விஜய் தற்போது தனது 66ம் படமான ‘வாரிசு’ படத்தில் பிஸியாகி நடித்துக் கொண்டு இருக்கிறார். வம்சி பைடிப்பள்ளி இயக்கத்தில் உருவாகும் இப்படத்திற்கு தமன் முதல் முறையாக விஜய் படத்திற்கு இசை அமைத்து வருகிறார். ரஷ்மிக்கா மந்தனா, பிரகாஷ்ராஜ், யோகி பாபு, சரத் குமார், ஷாம், பிரபு ஆகியோர் இப்படத்தில் நடித்து வருகின்றனர்.
இதைத் தொடர்ந்து லோகேஷ் கனகராஜ் இயக்கத்தில் தனது 67வது படத்தில் நடிக்க உள்ளார். விஜய் படத்தின் அப்டேட்கள் அடிக்கடி வருவதால் ரசிகர்கள் மிகுந்த எதிர்பார்ப்பில் உள்ளனர். அந்த வகையில் சில நாட்களுக்கு முன்னர் இப்படத்தில் திரிஷா இணைய உள்ளதாக தகவல் வெளியானது.
இதற்கு முன்னர் விஜய் மற்றும் திரிஷா ஆகியோர் இணைந்து ஜோடியாக ‘கில்லி’, ‘திருப்பாச்சி’ , ‘ஆதி’ மற்றும் ‘குருவி’ என மொத்தமாக நான்கு படங்கள் இணைந்து நடித்து உள்ளனர். இந்த படத்தில் இணைந்தால் 5வது முறையாக திரிஷா விஜயோடு இணைவார்.
இதைத் தொடர்ந்து தற்போது ஆக்ஷன் கிங் அர்ஜுன் இணைய உள்ளதாக தகவல் வெளியாகி உள்ளது. மேலும் இப்படத்தில் 6 வில்லன்கள் நடிக்க உள்ளதாக கூறப்படுகிறது. 6 மொழிகளிலும் இருந்து ஒவ்வொரு வில்லன்களையும் தேர்ந்தெடுக்க வாய்ப்பு உள்ளதாக கூறப்படுகிறது.
மலையாளத்தில் பிரிதிவிராஜ் மற்றும் இந்தியில் சஞ்சய் டுட் ஆகியோரிடம் பேச்சுவார்த்தை நடத்த உள்ளதாக தகவல்கள் வெளியாகி உள்ளது. பிரபலங்கள் பலர் இணைய உள்ளதால் விஜயின் 67வது படத்தின் எதிர்பார்ப்பு எகிற வைத்துள்ளது.
