நடிகர் கார்த்தி நடித்து வெளியான திரைப்படம் ‘விருமன்’ தற்போது வெற்றிகரமாக ஓடி கொண்டு இருக்கிறது. கடந்த வாரம் வெளியான இப்படம் மக்களிடம் நல்ல வரவேற்பை பெற்று ஓடிக்கொண்டு இருக்கிறது. இதைத் தொடர்ந்து ‘பொன்னியின் செல்வன்’ திரைப்படம் வெளியாக உள்ளது. மிக பிரமாண்டமாக உருவாகி இருக்கும் இப்படத்தின் எதிர்பார்ப்பு எகிற வைத்து உள்ளது.
மேலும் விக்ரம், கார்த்தி, ஜெயம் ரவி, திரிஷா, ஐஸ்வர்யா ராய் என ஒரு நட்சத்திர பட்டாளமே இப்படத்தில் நடித்து உள்ளது. இதனால் ரசிகர்களுக்கு இடையே எதிர்பார்ப்பு அதிகரித்து உள்ளது.
தொடர்ந்து வெற்றி படங்களை கொடுத்து கொண்டு இருக்கும் இவரின் அடுத்த படம் ‘சர்தார்’. இப்படத்தை பி.எஸ். மித்ரன் இயக்கி உள்ளார். இதற்கு முன்னர் இவர் ‘இரும்புத்திரை’ , ‘ஹீரோ’ ஆகிய படங்களை இயக்கி உள்ளார் என்பது குறிப்பிடத்தக்கது.
இப்படத்தில் கார்த்தி, ராஷி கண்ணா, ராஜீஷா விஜயன் ஆகியோர் நடித்து வருகின்றனர். தீபாவளியன்று வெளியாகவுள்ள இப்படத்திற்கு ஜி.வி. பிரகாஷ் இசையமைத்து வருகிறார். இந்நிலையில் இப்படத்தின் போஸ்டர் ஒன்று சமூக வலைத்தளங்களில் வைரலாகி வருகிறது. இந்த போஸ்டரில் நடிகர் கார்த்தி வயதான தோற்றத்தில் உள்ளார். மேலும் இப்படத்தில் கார்த்தி இரண்டு வேடமா? வயதான தோற்றதில் வருவது கார்த்தியின் தாத்தா கதாபாத்திரமா? என்ற கேள்விகள் எழுந்து உள்ளனர். இதோ அந்த புகைப்படம்👇
