நடிகர் சிம்பு நடித்து வெளிவர இருக்கும் படம் ‘வெந்து தணிந்தது காடு’. கெளதம் வாசுதேவ் மேனன் இயக்கியுள்ள இப்படத்திற்கு ஏ.ஆர்.ரஹ்மான் இசையமைத்து உள்ளார். சிம்பு, சித்தி இத்நானி, ராதிகா சரத் குமார் ஆகியோர் இப்படத்தில் நடித்து உள்ளனர். இப்படத்தை ஐசரி கணேஷன் தயாரித்து உள்ளார்.
கெளதம் வாசுதேவ் மேனன் மற்றும் ஏ.ஆர்.ரஹ்மான் கூட்டணியில் ஏற்கனவே சிம்புவை வைத்து ‘விண்ணை தண்டி வருவாயா’ மற்றும் ‘அச்சம் என்பது மடமையடா’ ஆகிய படங்களை எடுத்துள்ளார். தற்போது மூன்றாவது முறையாக இக்கூட்டணி இணைந்து உள்ளது. இந்த இரண்டு படங்களும் நல்ல வெற்றி பெற்றது. பிறகு உடல் பருமன், படம் தோல்வி என பல விமர்சனங்களை சந்தித்து வந்தார்.
பிறகு உடம்பை குறைத்து ‘மாநாடு’ படத்தில் நடித்து வந்தார். 2021ன் மிக பெரிய பிளாக் பஸ்டர் படமாக இப்படம் அமைந்தது. அதைத் தொடர்ந்து ‘வெந்து தணிந்தது காடு’ படத்தில் நடித்து வருகிறார் நடிகர் சிம்பு. இப்படமானது இந்த மாதம் செப்டம்பர் 15ஆம் தேதி வெளியாக உள்ளது. இந்நிலையில் இப்படத்தின் இசை வெளியீட்டு விழா இன்று நடைப்பெற்றது.
இதில் நடிகர் சிம்பு ஹெலிகாப்டரில் வந்து இறங்கியுள்ளார். இந்த வீடியோ தற்போது சமூக வலைத்தளங்களில் வைரலாகி உள்ளது. மேலும் இக்கூட்டணி வெற்றி கூட்டணி என்பதால் படம் மாபெரும் வெற்றி பெறும் என ரசிகர்களால் எதிர்பார்க்கப்படுகிறது.