சரவணா ஸ்டோர்ஸ் உரிமையாளரான அண்ணாச்சி சரவணா அருள் நடிக்கும் படம் ‘தி லெஜெண்ட்’ திரைப்படம் வருகின்ற 28 ஆம் தேதி ரிலீஸ் ஆக உள்ளது. முதல் முறையாக ஹீரோவாக அறிமுகமாக இருக்கும் இவர் நடிக்கும் படத்தை இயக்குனர் ஜே-டி ஜெர்ரி மற்றும் இசையமைப்பாளர் ஹாரிஸ் ஜெயராஜ் இசையமைக்கிறார். மிக பிரம்மாண்டமாக உருவாகி இருக்கும் இப்படத்தின் ட்ரைலர் மே மாதம் ரிலீஸ் ஆகி நல்ல வரவேப்பைப் பெற்றது. அதன் பிறகு மொசலோ மொசலு பாடல் மற்றும் வாடிவாசல் பாடலும் நல்ல வரவேற்பைப் பெற்றது.
ஆக்ஸன்,காமெடி, ரொமான்ஸ், செண்டிமெண்ட் என சூப்பர் கமார்சியல் படமாக உருவாகி உள்ளது. இதன் இசை வெளியிட்டு விழா மிக பிரமாண்டமான முறையில் நடைப்பெற்றது. இதில் பிரபல நடிகைகள் தம்மன்னா, ஹன்சிகா மோத்வானி, யாஷிகா ஆனந்த் உள்ளிட்டோர் கலந்து கொண்டனர். மும்பை மாடல் அழகி ஊர்வசி ரவுத்தல இப்படத்தின் மூலம் தமிழ் சினிமாவில் முதல் முதலாக அறிமுகம் ஆக உள்ளர். பிரபு, விஜயகுமார், நாசர், யோகி பாபு, சுமன் என ஒரு சினிமா பட்டாளமே இப்படத்தில் நடித்துள்ளனர். மேலும் நகைச்சுவை நடிகர் விவேக் அவர்கள் நடித்த கடைசி திரைப்படம் இது என்பது குறிப்படத்தக்கது.
இப்படத்திற்கான ப்ரோமோஷனில் அண்ணாச்சி சரவணா அருள் பிஸியாக உள்ளார். ப்ரோமோஷனுக்காக பல செலவுகள் செய்துள்ள இவர் படத்தை பிரபல நிறுவனமான ஏ.பி. இன்டர்நேஷனல் வெளியிட உள்ளது. மேலும் இப்படமானது ஜூலை 28ஆம் நாள் 5 மொழிகளில் ரிலீஸ் ஆக உள்ளது. மேலும் இந்தியா மற்றும் வெளிநாட்டில் இப்படமானது கிட்டத்தட்ட 2500 தியேட்டர்களில் வெளியாக உள்ளதாக கூறப்படுகிறது.