நடிகர் தனுஷ் நடித்து வெளியாக இருக்கும் படம் ‘திருச்சிற்றம்பலம்’. இப்படத்தில் தனுஷ், நித்யா மேனன், ப்ரியா பவானி ஷங்கர், ராஷி கண்ணா, பிரகாஷ் ராஜ், பாரதி ராஜா ஆகியோர் இப்படத்தில் நடித்து உள்ளனர். மித்ரன் ஜவஹர் இயக்கி உருவான இப்படத்திற்கு அனிருத் ரவிச்சந்தர் இசையமைத்துள்ளார். சன் பிக்ச்சர்ஸ் தயாரித்துள்ள இப்படம் ஆகஸ்ட் மாதம் 18ஆம் தேதி திரையரங்குகளில் வெளியாக உள்ளது. ஏற்கனவே மித்ரன் ஜவஹர் தனுஷை வைத்து ‘யாரடி நீ மோஹினி’, ‘உத்தம புத்திரன்’, ‘குட்டி’ ஆகிய படங்களை இயக்கி உள்ளார்.
இந்த கூட்டணி நான்காவது முறையாக இணைந்து உள்ளது என்பதால் படம் நிச்சயம் வெற்றிப்பெறும் என எதிர் பார்க்கப்படுகிறது. மேலும் ‘ப்ளாக் பஸ்டர் காம்போ’ என்று அழைக்கப்படும் தனுஷ்-அனிருத் கூட்டணி இப்படத்தில் இணைந்து உள்ளனர். இதற்கு முன்னர் ‘3’, ‘மாரி’, ‘வேலையில்லா பட்டதாரி’ படங்களில் உள்ள அனைத்து பாடல்களும் நல்ல வரவேற்பைப் பெற்றது. மேலும் இக்கூட்டணி 7 ஆண்டுகள் கழித்து மீண்டும் இணைந்து உள்ளது என்பது குறிப்பிடத்தக்கது.
சில நாட்களுக்கு முன்னர் இப்படத்தின் இசை வெளியீட்டு விழா மிக பிரமாண்டமாக சென்னையில் நடைப்பெற்றது. இந்நிகழ்ச்சியில் நடிகர் தனுஷ், செல்வா ராகவன்,அனிருத் ரவிச்சந்தர்,பிரகாஷ் ராஜ், நித்யாமேனன், ராஷி கண்ணா ஆகியோர் கலந்து கொண்டனர். நேற்று சன் பிச்சர்ஸ் சமுக வலைதள பக்கதில் ” Your order is getting ready Delivering soon” என்று பகிர்ந்து இருந்தனர்.
இதனால் தனுஷ் ரசிகர்கள் என்ன டெலிவரி என குழம்பி போய் இருந்தனர். இந்நிலையில் நாளை திருச்சிற்றம்பலத்தின் ட்ரைலர் வெளியாகும் என அதிகாரபூர்வமா வெளியிட்டு உள்ளது. நாளை (07-08-2022) சரியாக 7மணிக்கு ட்ரைலர் வெளியாகும் என கூறப்பட்டுள்ளது. இந்த செய்தியால் தனுஷ் ரசிகர்கள் மிகுந்த எதிர்பார்ப்பில் உள்ளனர்.