நடிகர் விஜய் தற்போது தனது 66ஆம் படமான ‘வாரிசு’ படத்தில் நடித்து வருகிறார். வம்சி பைடிப்பள்ளி இயக்கி வரும் இப்படத்திற்கு தமன் முதல் முறையாக இசையமைத்து வருகிறார். ரஷ்மிக்கா மந்தனா, யோகி பாபு, பிரகாஷ்ராஜ், சரத் குமார், பிரபு, ஷாம் என ஒரு நட்சத்திரப் பட்டாளமே இப்படத்தில் நடித்து வருகின்றனர். இதைத் தொடர்ந்து லோகேஷ் கனகராஜ் இயக்கத்தில் தனது 67ஆம் படத்தில் நடிகர் விஜய் நடிக்க உள்ளார். ஏற்கனவே இதற்கு முன் எடுத்த ‘மாஸ்டர்’ திரைப்படம் நல்ல வரவேற்பை பெற்றது. அதை தொடர்ந்து இரண்டாவது முறையாக இந்த கூட்டணி இணைய உள்ளது.
அதே போல லோகேஷ் கனகராஜ் கடைசியாக எடுத்த ‘விக்ரம்’ திரைப்படமும் மாபெரும் வெற்றி அடைந்ததை அடுத்து இப்படமும் வெற்றி அடையும் என எதிர் பார்க்கப்படுகிறது. இப்படத்தில் நடிகை திரிஷா இணைய உள்ளதாக தகவல்கள் வெளியாகி உள்ளன. இதற்கு முன்னர் சமந்தா நெகடிவ் ரோலில் நடிக்க உள்ளதாக தகவல்கள் வெளியாயின. இப்போது திரிஷா இணையுள்ளதாக கூறப்படுகிறது.
இதற்கு முன்னர் விஜய் மற்றும் திரிஷா இணைந்து ‘கில்லி’, ‘திருப்பாச்சி’ , ‘ஆதி’ மற்றும் ‘குருவி’ என மொத்தம் நான்கு படங்கள் இணைந்து நடித்து உள்ளனர். இப்படத்தில் இணைந்தால் 5 முறையாக இந்த கூட்டணி இணையும், மேலும் நடிகர் விஜய் ஒரே நடிகையோடு 5 முறை நடித்தது இல்லை என்பது குறிப்பிடதக்கது.
முதல் முதலில் இவர்கள் இணைத்த ‘கில்லி’ திரைப்படம் நடிகர் விஜய் அவருடைய கரியர் பெஸ்ட் படம் எனவும் கூறலாம். இப்படத்தில் மீண்டும் இணைய உள்ளதால் மீண்டும் கில்லி வைப்பா? என ரசிகர்கள் பகிர்ந்து வருகின்றனர். மேலும் ‘பொன்னியின் செல்வன்’ படப்பிடிப்பு முடிந்த நிலையில் தளபதி-67ல் திரிஷா இணைய உள்ளதாக கூறப்படுகிறது.