மக்கள் செல்வன் விஜய் சேதுபதி நடித்து இயக்குனர் சீனுசாமி இயக்கத்தில் வெளியான திரைப்படம்தான் ‘மாமனிதன்’ . இப்படத்தில் விஜய் சேதுபதி, காயத்ரி, குரு சோமசுந்தரம் ஆகியோர் இணைந்து நடித்து இருந்தனர். மேலும் முதல் முறையாக இசைஞானி இளையராஜாவும், யுவன் ஷங்கர் ராஜாவும் இப்படத்திற்கு இணைந்து இசையமைத்து இருந்தனர். இப்படம் மக்களிடையே நல்ல விமர்சனம் பெற்று வரவேற்பை பெற்றது.
பிரபலங்கள் பலர் இப்படத்தை பார்த்து தங்கள் பாராட்டை தெரிவித்து இருந்தனர். மேலும் டோக்கியோவில் நடைபெற்ற திரைப்படங்களுக்கான விழாவில் ‘மாமனிதன்’ திரைப்படம் சிறந்த படமாக தேர்வு செய்யப்பட்டு இருந்தது. இதனைத் தொடர்ந்து கொல்கத்தாவில் நடைபெற்ற தாகூர் இன்டர்நேஷனல் பிலிம் பெஸ்டிவலில் இப்படமானது 3 விருதுகளை குவித்து உள்ளது. சிறந்த நடிகருக்கான விருதை நடிகர் விஜய் சேதுபதி பெற்று உள்ளார்.
மேலும் சிறந்த சாதனை விருது மற்றும் விமர்சகர்களுக்கான தேர்வு விருது என மொத்தமாக மூன்று விருதுகளை குவித்து உள்ளது. இதனை இப்படத்தின் இயக்குனர் சீனுசாமி தனது சமூக வலைதள பக்கத்தில் பகிர்ந்து உள்ளார். தொடர் விருதுகளை குவித்து வருவதால் படக் குழுவினர் மகிழ்ச்சியில் உள்ளனர். மேலும் பிரபலங்கள் பல தங்கள் வாழ்த்துக்களை தெரிவித்து வருகின்றனர்.